tysdag 15. mars 2016

Møt opp i senatet

Caesars død av Vincenzo Camuccini
Dette er dagen folkens.

Kanskje årets viktigaste dag.

Det er Ides av Mars, den midterste dagen i mars-månad slik dei gamle romarane såg det. Sånn ca. Om lag. Med litt Shakespeare i mellom.

Dette er dagen då folkets mann vart røva i frå oss av korrupte parlamentarikarar og sjofle svikefulle vener som Brutus. Det seiast at Caesar skal ha reist sin toga for å dekke andletet sitt då han såg at Brutus var ein av dei som stod i kø for å knivstikke han. Han vil vel neppe kor vondt det gjorde å verte svika av ein av sine næraste. Og det forstår vi godt. Så ivrige var desse senatorane i sitt forræderi at dei skal ha såra kvarandre ein del medan dei veiva med knivane sine over den stakkars folkehelten Caesar.

Politikarar burde ikkje drive med drap, dei er så inkompetente.

Det gjekk rykter om at Brutus faktisk var sonen til Caesar, men Caesar var berre 15 då Brutus vart fødd.

På den andre sida så er det Caesar vi snakkar om her. You go, boy!

Gjennom åra har vi skrive mykje om Caesar og hans endelikt. Og vi ser vel ingen grunn til å ikkje halde fram med denne folkeopplysinga. Tenk kor annleis verda såg ut om vi såg ho i lys av at vi for 2000 år sidan vart frårøva ein folkets mann. Republikken fall kanskje ikkje fordi dei fekk ein diktator, men fordi parlamentet valte å velte han.

Her trår vi farleg nær fascismen, men så lenge ein har sko på bør det gå greitt.

Brutus er kanskje ein av dei mest interessante personane i denne samanhengen. Etter at dei hadde drept vår kjære Caesar utlyste senatorane at dei sjølv skulle få amnesti for det dei gjorde. Folket var likevel ikkje fullt så blide, så fleire av dei, deriblant Brutus søkte tilflukt langt vekke frå Roma. Brutus reiste på strandferie på Kreta.

Octavius tok over som prokonsul i Roma i 43 f.kr. og erklærte alle dei skuldige senatorane for å vere drapsmenn. Dette første på sikt sjølvsagt til ein klassisk romers møljeslosskamp med fleire generalar og legionærar enn det som strengt tatt skulle vere naudsynt. Til slutt vart Brutus slått, og måtte flykte frå slagmarka.

Han bestemte seg for å avslutte flykta ved å flykte inn i sitt eiga sverd haldt oppe av to av sine menn.

Det kallar eg å gå ut med stil.

Og slik gjorde Brutus opp for seg, for sine ugjerninger. Og eg likar å tru at difor ser Europa ut som det gjer i dag. Ingen Caesar, men med eit vaklande EU.

torsdag 24. desember 2015

God jul då, godtfolk

Den store dagen er her! Det er tre nøtter for Askepott på fjernsynet, sikkert noko Disneyopplegg ein eller annan stad, og dyre gåver i ein haug midt i stova. Iallefall om du har barn.

Og pengar til det.

Pengar er viktig.

Vert ikkje jul utan pengar.

For pengar lar deg kjøpe alt dette skrotet du gjev til folk for å demonstrere at du skal vere glad i dei. Og så vonar du at dei har lagt litt meir tanke i presangen dei gjev deg, enn du la i dine innkjøp. Og at den ligg sånn omtrentleg i same prisklasse. Dette har alt å seie for å forholdet dykk imellom neste året. Har du brukt meir pengar, så vert du jo litt snurt og snytt, ja? Og om dei har brukt mykje meir pengar, så er du i takksamsgjeld til dei. Akk, dette sosiale spelet. Det er overraskande at vi gidd, i det heile.

Neida. Joda. Neida. Vi treng ikkje å vere så kyniske. Det er ikkje eit så rått spel. Det er folk som vil gje kvarandre gåver. For å spre litt glede.

Om dei har pengar. Om dei ikkje har pengar så må dei pent halde kjeft, ete grandisen sin og gje sokker til borna sine. Fordi berre slik veit vi kor mykje vi har, ved at dei har mindre enn oss. Og så kan vi føle oss ekstra gode når vi les om korleis ein eller annan goding har forbarma seg over fattigfolket. Ja, for det skal vi gjere neste år, sant? Invitere ein einsam og pengelens person til å feire jul med oss (berre den eine gongen, det vert den eine spesielle julen dei fekk oppleve rikfolket sin jul, det er snillt det). Neste år. I år funka det dårleg. Var så hektisk desember. Alt som skulle førebuast. Alle gjestane som kom. Alle gåvene som skulle handlast.

Neste år skal vi gni det skikkeleg inn.

Nei, no vart vi kyniske att gitt. Det kan hende juleånden har forlatt oss heilt her i moskeen. Kanskje det hjelper om vi opner ei luke? Sjølvaste julaftenluka? Den må jo bli bra! Vi river opp luka og mater posen med legobitar til mullaen!
 Han sluker posen heil, og spytter ut bitane i sin ferdige form! Og hurrameghopp det er sjølvaste julenissen!
Nei, vent no litt! Der lurte han oss nesten! Det er jo C-3PO. Blant vener kjend som Goldenrod. Prippenslask Goldenrod! Han har kledd seg ut som nissen. Eller kanskje han er nissen?!

Men kva det er? Han virker ikkje som sitt lystige sjølv. Var det min tirade no i stad som fekk han ute av julestemning? Nei, det er R2-D2 som har stelt julekjerra hans!
 Og det er mykje piping, huffing, hmsking og blipp! R2-D2 vil leike, medan C-3PO er indignert som berre ein som er programmert for indignasjon kan vere. Til slutt er det sutrepaven som sutrar seg til å få rom kjelken attende. Du kan trekke, ditt reinsdyr, erklærar C-3PO!
Trekk dette, piper R2-D2. Og C-3PO flyr avgarde over the Jundland Wastes åleine. Sjå der, på himmelen over moskeen! Her kjem han med gåver til mullaen!
 Så då vart det jul til slutt, må eg vel seie.

Og med det så er denne Star Wars Lego Julekalenderen over. sjå her alt det ubrukelege stæsjet den inneheld! Sjå!

Sjåååå!
Herregud. Det er så meiningslaust som berre jul kan vere. Så kommersielt. Så materialistisk. Eit så vidunderleg konsum. Jesus, nissen og Krampus vil vere stolte av oss i år!

Men det er ein ting som har mangla. Det er ein ting som trengst. Som prikken over i-en. Det er jo ikkje ekte Star Wars utan...
Takk! Jar-Jar Binks! Der var du!

Og med det kan eg seie God jul, godtfolk! Vonar de får alt de har lyst på, og ingenting de har bruk for. Og ein ekstra stor takk og lukkeønskjing til dei som faktisk brukar jula på å vere god mot andre, og med dei som treng det mest.

Vi andre er stort sett berre rasshøl.

Eg meiner, God jul, ja!

onsdag 23. desember 2015

Juledoning

Skulle du sett! Ny dag! Ny luke! I går var vi så heldige å få R2-D2 med reinsdyrhorn! Det må jo vere eit pokkers høgdepunkt. Kvar får dei desse ideane ifrå? Kva rumpe trekk dei eigentleg desse ut av.

Jaja.

Vi er eigentleg mest nøgd med at vi har klart 22, og no 23, fortløpande blogginnlegg. Det trur eg ikkje vi har gjort på fleire år. Vi har skrive fleire blogginnlegg i desember enn i heile 2015 til saman. Skremmande, kva?

Og det heilt utan å forsake kvalitet.

Vel, kanskje ikkje heilt utan...

Greitt, dei fleste innlegga var piss.

Dette innlegget kjem og til å vere piss.

Slik er det med kvantitet over kvalitet. Lev med det.

Kva er det eg seier? Eg veit du lever med det. Der du sitt og stappar trynet ditt full av snop og ser på Netflix og latar som du chiller... eller Gud forby... Skal vi fuckings danse.

I det perspektivet er denne kalenderen awesome kvalitet!

Så då smeller vi i gang og opner luke nummer 23. Nummer 23 folkens! Og der har vi:
 Legoklosser!

Kva skal det bli? Sikkert noko uforståeleg noko. Ein lysande vibrator eller ein radiostyrt juletre. Etter dei der reinsdyrhorna er vi villige til å akseptere alt her i moskeen!
 Ein laserslede! Så klart! For R2-D2 må ha noko å trekke på? Sidan han har reinsdyrhorn! Men kvifor har då sleden motor? Er det berre for å plate R2-D2?

Bleep! Bleep! Bleep!

Ja, vi er heilt einige, R2-D2.

Bowoop!

Du vil kva?

Bwoop!

Ok!
R2-D2 har funne ut at han skal køyre doningen sjølv. Det høyres rett og rimeleg ut. Varsku! Her kjem eit flygande søppelspann!

tysdag 22. desember 2015

Beep Boop Weep!

Greitt! Det er på tide å ta ein pause frå Tom Egeland-vitsane, er det ikkje? Dei var strengt tatt ikkje morosame lenger. Så då turar vi berre på og opner neste luke. Det er ikkje mange att, så no er det ekstra spennande å sjå kva trugsler som venter i neste luke! Her er det jo full krig, med våpen på våpen. Kunne tru at det var det Star Wars handla om...


Og i luke nummer 22 var det overraskande nok ein pose med lego. Vi er ganske så sjokkerte, men tar oss saman og smeller saman det som det skal vere. Og tadaaaa
 Det er altså alles kjære R2-D2 med reinsdyr horn på hovudet. Så forbanna originalt. Dette er like bra som the Star Wars Holiday Special. Beep boop weep! Boowoop!

 Tom Egeland tar ein pause frå å flykte for Imperiet for å helse på. Det er jul trass alt (HA! Vi sneik inn ein Tom Egeland-referanse til, det hadde du ikkje venta!) Beep beep beep, seier R2-D2. Ja, kva enn du seier, seier Tom Egeland.
Utini! Jawaen har komt seg etter å ha bli drept av Imperiet og vil helse på han og! Dei er jo gamle vener! BLEEEP! BLUUURP! skriker R2-D2, men jawaen har ikkje tenkt å kidnappe R2-D2 denne gongen. Utini sier han. Utini. For kven i helvete vil ha ein astromechdroide med reinsdyrhorn på hovudet? Det er berre fucked up.

Jaja! Beep boop woop, alle saman!

måndag 21. desember 2015

Nok eit forbanna julemysterium

Greitt, det virker som det er veg i vellinga i julekalenderen no. Ikkje mange dagane att, men så langt har det jo gått brillefint, har det ikkje? Vi har tilogmed hatt litt action!

Så då er vi spent på kva dagens luke inneheld; er ikkje du? Vi smeller opp luka og drar ut den lille posen med lett attkjennelege legodelar og tenkjer vårt vanlege: Kva i all verda?
Dette skal jo openbart bli til.. eh... altså... Ja, la oss berre byggje det. Det er umogleg å forstå kva noko skal vere av desse delane.
Og framleis like uforståeleg når ein har satt den saman. Så greitt... eit våpenstativ eller ein konsoll av eit slag?
Det må det vere.

Lett attkjenneleg frå den der filmen som den var med i. Eller noko slikt. Vi trudde eg var godt nok kjend med Star Wars, men dette er oss eit mysterium... Men vent! Eit mysterium? Eit julemysterium?

Det er då det er godt vi har Tom Egeland på laget! Vi sett han på saka!
Tok du den? Vi _satt_ Tom Egeland _på saka_.

Vi er kjempemorosame her i moskeen. Fyttigrisen.

søndag 20. desember 2015

Eit uventa besøk

I går fekk Tom Egeland ein planetforsvarskanonting, og gøymde seg bak den medan han prøvde å finne eit vis å rette den mot noko anna enn atmosfæra. Det er jo ikkje så lett, men han gjev ikkje lett opp han Tom Egeland.
I vår ende av galaksen byrjar det å nærme seg jul. Jul er travelt. Og vi er alle som usikre på korleis vi skal få gjort alt som skal gjerast. Anten det no er innkjøp av julegåver, vaske hus, pynte eller grave nokon ned i hagen. Heldigvis er det ein varm vinter, som permafrosten gjer det i det minste ikkje så vanskeleg å grave, men alt dette regnet gjer det litt som å grave gjørme, altså. Hjelpes, det er ikkje kjekt.

Uansett, eit av dei mange juletiltaka vi har her i moskeen er jo å opne denne fordømrade julekalenderen kvar dag, og i dag er intet unntak. Spørsmålet er, kva effekt vil dagens luke ha på livet til Tom Egeland. 


 Oh myyy... ser du alt det svarte? Ved sida av grått er det jo den andre favorittfargen til Imperiet. Og det er jo skurkefargen. Kanskje Imperiet får forsterkingar?

Visst pokker! Eg kan høyre dei koda signala no! Det er ein Imperial Probe droid!
Berre ignorer den gjennomsiktige plasten! Den skal sveve! Ser du ikkje det?
Den er her for å leite etter opprørsstyrker. For å kunne pusse imperiets mektige her på dei!

Å nei! Han har funne Tom Egeland!

 Og han påkallar forsterkingar!
AT-ATen har snust seg fram til Tom Egeland ved hjelp av proberoboten! Dette vert nesten for spennande! Kvar er mullaens hjartemedisin!?

Har han ikkje!? Kva faen?! Sjå på han då! Han ser ut som ein mann som treng hjartemedisin! Ring legen! Med ein jævla gong, før han ramlar overende!

laurdag 19. desember 2015

Tom Egelands Big Badaboom!

Då vi forlot bloggen i går var Tom Egeland nede for teljing, tilsynelatande skoten av ein AT-AT, nett slik han vart instruert til å gjere i filmen ifølgje han sjølv.
Men sidan han kommenterte i bloggen, så kan han jo ikkje vere heilt dau? Kanskje han berre snubla litt i snøen! La oss opne dagens luke og sjå kva vi finn der!
Aha nett det Tom Egeland treng! Ein stor kanon. Ein planetforsvarar! Den som vart nytta til å forsvare transportskipa som evakuerte Hoth under slaget. Peow! Peow! Og så var det Star Destroyerane satt ut av spel!
Så kom igjen Tom Egeland! Nasa ut av snøen! Opp og hopp og gjer deg klar til å smelle til!
Pent smil forresten!

Ja no skal det bli veg i vellinga... ja, om du ser vekk ifrå at den sikter ut i atmosfæra og ikkje mot AT-ATen som er ute etter deg då... kanskje du burde kikke på det... til neste gong.

fredag 18. desember 2015

Tom Egelands ville flukt!

Då vi forlot bloggen i går kveld var Tom Egeland på flukt. Kanskje han nådde fram til ein A-Wing og kom seg unna i den.

Medmindre Imperiet har eit triks oppi ermet sitt i dagens luke.
Å nei, og nei... det lover ikkje godt. Imperiet har jo ei greie for grå ting. Det er liksom deira go-to farge, er det ikkje? Kan det hende dei har noko som sett ein stoggar for Tom Egeland?



Det er snickers og twist! Det er ein AT-AT! Imperiets fryktede vandrande dødsmaskiner. Fordi tanks simpelten ikkje er bra nok. For lite tramping. Tramping er bra.

Slik vart Finse så flatt forresten.

Simpelten fryktinngytande.

Tom Egeland har ikkje ein sjanse!
Å nei!

Det ser stygt ut!
Tom Egeland legoen er nede for teljing!

Kva skjer no? Er Tom Egeland (Tom Legomann?) død? Vil han bli trampa på?

Følg med i morgon!

torsdag 17. desember 2015

Det er Tom Egeland, jo!

Det knirker og knakar i hovudet. Blogge? Skrive? Julekalender? Ikkje gå på kino og sjå the Force Awakens som ein bøling med fanboys? Javel, ja... då får vi vel opne luke nummer 17 og sjå kva som gøymer seg bak den.

Vedder på at det er legoklosser. Fatt mot, det er berre ei veke att med desse innlegga no og folk har slutta å lese for lengst. Forventingspresset er ikkje like sterkt med andre ord.
Det var legoklosser gitt, men ikkje kva som helst klosser! Det er jo, Tom Egeland!
Det var på tide at Tom Egeland, den norske krim- og barnebokforfattaren fekk seg ein eigen Star Wars legofigur. Rart det der, hadde eigentleg venta at det skulle ha hend for lenge sidan. Og greitt, det står ingen stad at det er Tom Egeland, og eg har alltid trudd at han hadde skjegg sjølv under innspelinga av Empire Strikes Back, men dette er detaljar. For meg er denne figuren offisielt Tom Egeland.

Og ikkje Arve Juritzen. Sjølv om han og var med.

Og det burde du vete. Tom Egeland og Arve Juritzen var beggje med som soldatar i Empire Strikes Back. Det var John Ratzenberger som spelte Cliff i Cheers òg, men det er liksom ei anna soge.

Internett vil påstå at dette er eit bilete av Tom Egeland under innspelinga. Det hevder iallefall sida eg stal den frå (Tilgje oss kven enn som eig det originale).
Så kanskje legofiguren hadde rett i at Tom Egeland ikkje hadde skjegg. Dette er bra. Etter at Jawaen og Marlon Bolletryne vart drept av einsam stormtrooper tidleg i kalenderen har det ikkje vore så mykje action utanfor Imperiet, så kanskje dette er eit Nytt Håp for opprøret?

Eller kanskje ikkje!
No kjem stormtrooperen og IG-88 for å ta deg Tom Egeland! Spring! Spring snøggare enn vinden.

Eller som ein A-Wing!
Oj oj! Dette vart spennande! Vil du vete korleis det går med Tom Egeland? Følg med i mullaens julekalender i morgon!

onsdag 16. desember 2015

Kven bryr seg om luker i dag?

Vi har sett The Force Awakened.

I dag tidleg. Og mullaen har surra rundt sidan. Han vil ikkje snakke om annan ein filmen. Slik kan det gå.

Men vi har opna ei luke då. Sjå her!

 Kva kan det vere? Er jo berre å byggje den då!

Ein A-Wing. Eit av dei mindre ikoniske skipa i Star Wars. som debuterte i Return of the Jedi under slaget over Endor. Dei var eit eksperimentelt romskip utvikla av Kuat Systems Engineering. Uhyre snøgt og manøvrerbart, og den perfekte matchen for Imperiets Tie Interceptor (Som dukka opp i same film).

Vi såg ikkje så mykje av desse i The Force Awakened, men det er jo lov å vone at dei dukker opp att i seinare filmar? Ein av grunnane til at det ikkje dukka opp var kanskje det at vi fekk ein kanon i går at denne skaut ned A-Wingen då vi satt og leika.

Slik kan det simpelten gå.

Vi har sett The Force Awakened og vi dirrar framleis. Dette var bra.